راجستھان کے گورنر کلراج مشر کی تقریر سے آج 15 ویں اسمبلی کے بجٹ سیشن کا آغاز ہوا۔
مسٹر مشر نے پہلی بار اسمبلی میں تقریر سے پہلے آئین کا مقدمہ اور بنیادی ذمہ داریوں کو پڑھا اور تمام اراکین اسمبلی نے اسے دہرایا۔ ملک کی تاریخ میں کسی اسمبلی میں گورنر کی جانب سے ایسا پہلی بار کیا گیا۔ اس کے بعد گورنر نے تقریر شروع کی۔ انہوں نے تقریباً 45 منٹ تک تقریر پڑھی۔ مسٹر مشرا نے تقریر میں ریاست میں عالمی وبا کورونا میں ریاستی حکومت کی جانب سے کیے گئے انتظامات اور سرکاری منصوبوں کو سامنے رکھا۔
گورنر کی تقریر کے دوران سی پی آئی ایم کے رہنما بلوان پونیا نے کسانوں کے مسائل پر احتجاج کیا۔ مرکز کے نئے زرعی قوانین کو واپس لینے کا مطالبہ کرتے ہوئے وہ ویل میں جا کر بیٹھ گئے۔ بعد ازاں چیف وہپ مہیش جوشی، ڈپٹی چیف وہپ مہیندر چودھری، پارلیمانی امور کے وزیر شانتی دھاریوال نے انھیں سمجھایا۔ اس کے بعد مسٹر پونیا مان گئے اور ویل سے باہر آئے۔
قبل ازیں مسٹر مشر کی تقریر کے لیے اسمبلی پہنچنے کے بعد اسملبی اسپیکر سی پی جوشی، وزیراعلیٰ اشوک گہلوت، پارلیمانی امور کے وزیر شانتی دھاری وال، چیف سکریٹری نرنجن آریہ اور اسملبی سکریٹری پرمل کمار ماتھر نے ان کا خیر مقدم کیا۔ اسملبی کے صدر دروازے پر گورنر کو آر اے سی کی بٹالین نے قومی سلامی دی۔
مزید پڑھیں: کرپٹو کرنسی پر جلد قانون آئے گا: ٹھاکر
یو این آئی
