ریاست راجستھان کے ضلع کوٹہ کے کیتھون علاقے میں واقع درگاہ میں دھرم سماج تنظیم کی جانب سے ایک اجتماعی شادی پروگرام کا اہتمام کیا گیا، اس پروگرام میں تقریبا 30 چوڑے ازدواج زندگی سے منسلک ہوئے۔
اس تعلق سے تنظیم کے صدر اکرم خان نے بتایا کہ اجتماعی شادی پروگرام میں راجستھان کے دیگر اضلاع سے بارات کوٹہ کے کیتھون پہنچی، جہاں تیس جوڑوں نے اپنا نکاح قبول کیا، نکاح کی تمام روایت تنظیم کی جانب سے پوری کی گئی۔
وہیں تنظیم کی جانب سے شادی کے بعد سبھی جوڑوں کو تمام اشیائے ضروریہ دی گئی۔ اور اس موقع سے بہترین کارکردگی انجام دینے والے ممبروں کو بھی انعامات سے نوازا گیا۔
واضح رہے کہ دھرم سماج تنظیم کی جانب سے یہ ہدف رکھا گیا تھا کہ سال 2021 میں 501 بیٹیوں کا نکاح سرانجام دیا جائے گا جس کے بعد اجتماعی شادی پروگرام کا اہتمام کیا گیا۔
