آل انڈیا یونانی طبی کانگریس کے ریاستی صدر نورالحق کے مطابق میمورنڈم میں بتایا گیا ہے کہ مرکزی حکومت یونانی طب کو نظرانداز کرکے امتیازی سلوک کررہی ہے۔ انھوں نے کہا کہ یونانی بورڈ بنائے جانے سے ہی یونانی نظام طب کی ترقی ممکن ہوگی۔
یہ بھی پڑھیں:اجمیر درگاہ میں کانگریس رہنما ضمیر احمد کے حق میں خصوصی دعا
یہ بات قابل ذکر ہے کہ مرکزی حکومت نے 11 جون 2021 کو اپنے گزٹ نوٹیفکیشن کے ذریعے آئی ایم سی سی 1970 ایکٹ 48 ایکٹ کے تحت سی سی آئی ایم کو ختم کردیا اور نئے قانون این سی آئی ایس ایم کے سیکشن 18 کے سیکشن 1 کا استعمال کرتے ہوئے ایک خود مختار بورڈ (autonomous) بنایا جس میں این سی آئی ایس ایم کے چیئرمین جینٹ دوے کو نامزد کرکے آیوروید کا ایک الگ بورڈ تشکیل دیا گیا۔ جب کہ یونانی, سدھا اور سووا رگما سمیت تینوں کو ملاکر ایک بورڈ بنایا گیا ہے۔
آل انڈیا یونانی طبی کانگریس نے مطالبہ کیا ہے کہ جلد از جلد ایک علاحدہ یونانی بورڈ بھی بنایا جائے۔
