درگاہ اجمیر شریف کے کاروباری کورونا گائیڈلائن سے پریشان

عالمی شہرت یافتہ اجمیر شریف درگاہ کے خادموں کی انجمن نے ہزاروں خاندان کی روزی روٹی کی دشواری کے سبب راجستھان کے سی ایم اشوک گہلوت کے نام ضلع کلکٹر کو ایک میمورنڈم دیا ہے۔ جس میں اجمیر کے کاروباریوں اور اندرونی درگاہ کے دکانداروں سمیت درگاہ مجاورین پر خاص توجہ دینے کی گزارش کی ہے اور اس سلسلے میں مذہبی مقامات سے پھول چادر اور مختلف متعلقہ پابندیاں ختم کرنے کو کہا ہے۔

ریاست راجستھان کے اجمیر شہر میں ہزاروں خاندان covid 19 گائیڈ لائنس کے سبب پریشان ہیں۔ اجمیر درگاہ سے جڑے کاروباریوں کو امید تھی کی 28 جون کو مذہبی مقامات کھل جانے کے بعد روزی روٹی کا ذریعہ کھل جائے گا۔ لیکن ہندو مسلم دونوں ہی مذہب کے کاروباری مایوس ہے۔

مذہبی مقامات سے وابستہ چیزیں یعنی نذر نیاز , تبرکات اور پھول چادر پیش کیے جانے پر حکومت کی گائیڈ لائن کے مطابق پابندی عائد کردی گئی۔بازار اور درگاہ کے دکاندار مایوس ہے خادموں کی انجمن نے ہزاروں لوگوں کی مالی حالت کو دیکھتے ہوئے ضلع کلکٹر پرکاش راج پروہت سے ملاقات کرکے متاثرین کی جانب خاص توجہ دینے کی گزارش کی ہے اور وزیراعلی اشوک گہلوت کے نام ایک میمورنڈم دیا ہے۔

غور طلب ہے کہ درگاہ خواجہ صاحب میں پھول ۔ چادر ۔ عطر۔ سافہ پگڑی اور دیگر نظر نیاز کے سامانوں کا کاروبار چار ہزار ہندو مسلم خاندان مل کر کرتے ہیں۔

اس میں درگاہ کے خادم اور مختلف چھوٹے کاروباری جیسے تسبیح ۔ ٹوپی انگوٹھی وغیرہ کے بیچنے والے شامل ہیں۔ ان سب کو اب انتظار ہے کہ پابندی ختم ہوجائے اور ان کی مالی حالت جلد درست ہوجائے۔