ریاست راجستھان کے شہر اجمیر کے عالمی شہرت یافتہ صوفی حضرت خواجہ معین الدین چشتی رحمۃ اللہ علیہ کی درگاہ میں بالی ووڈ کی سپر اسٹار گلوکارہ لتا منگیشکر کی صحتیابی اور عمر درازگی کی دعا کی گئی، آج لتا منگیشکر کا 91 واں یوم پیدائش ہے۔
آج درگاہ کے خادم سید الدین سخی نے خواجہ غریب نواز کے آستانہ پر لتا منگیشکر کے لئے خصوصی دعا کی ۔ اسی طرح لتا جی کے چاہنے والوں نے بھی ان کے یوم پیدائش پر ان کو خاص دعاؤں میں یاد رکھا ۔
اس موقع پر خادم سید قطب الدین نے کہا کہ آج خواجہ معین الدین چشتی رحمتہ اللہ علیہ کے بارگاہ میں گلوکارہ لتا منگیشکر کی لمبی عمر کے لیے دعا کی گئی۔خواجہ غریب نواز ان کو صحت و تندرستی عطا فرمائے۔ہر سال لتا منگیشکر کے یوم پیدائش کے موقع پر درگاہ پر انکے لیے خصوصی دعا کا اہتمام کیا جاتا ہے۔
گنیز بک آف ورلڈ ریکارڈ میں اپنا نام درج کرانے والی لتا جی گلوکاری کی دنیا میں سب سے اہم ترین شخصیت کا درجہ رکھتی ہیں۔ انہوں نے چھتیس زبان میں 50 ہزار سے زیادہ نغمے گائے ہیں، یہی وجہ ہے کہ انہیں بھارت رتن کا اعزاز سے بھی نوازا گیا ہے۔اس کے علاوہ سنہ 1999 میں انہیں راجیہ سبھا کا رکن بھی بنایا گیا تھا۔
