درگاہ اجمیر شریف کے باہر جمعہ کی نماز کے بعد بڑی تعداد میں مسلمانوں نے نعرہ بازی کی اور نرسنگھانند سرسوتی کے خلاف زبردست احتجاج کیا۔
اجمیر: نرسنگھانند سرسوتی کے خلاف زبردست احتجاجی مظاہرہ
جمعہ کی نماز کے بعد درگاہ کے نظام گیٹ پر سینکڑوں افراد جمع ہوگئے اور جم کر نعرے بازی کی۔ اس موقع پر احتجاجی جلسہ منعقد کیا گیا جس میں خدام درگاہ اور مسلم رہنماؤں نے خطاب کرتے ہوئے پیغمبر اسلامﷺ کی شان اقدس میں گستاخی کرنے کی پاداش میں نرسنگھانند سرسوتی کے خلاف سخت کاروائی کرنے کا حکومت سے مطالبہ کیا۔
درگاہ انجمن کے سابق صدر سید غلام کبریا چشتی نے مودی حکومت سے سماج میں تفرقہ پھیلانے والوں کے خلاف سخت قانونی کاروائی کرنے کا مطالبہ کیا۔ انہوں نے کہا کہ پیغمبر اسلامﷺ کی شان میں گستاخی کو ہرگز برداشت نہیں کیا جائے گا۔
