عالمی مشہور و معروف حضرت خواجہ غریب نواز رحمتہ اللہ علیہ کی درگاہ کے خادموں نے نئی سرکاری ہدایت نامہ پر سخت برہمی کا اظہار کیا ہے۔
راجستھان گہلوت حکومت کے مطابق 28 جون سے صوبے کے تمام مذہبی مقامات کھول دیے جائیں گے لیکن مندر اور درگاہ پر گلپوشی، چادر پوشی، روشن چراغ اور تبرکات پیش کیے جانے پر پابندی عائد رہےگی۔
حکومت کی اس ہدایت نامہ پر سبھی مذہبی رہنماؤں اور تنظیموں نے سخت اعتراض درج کروایا ہے۔ اجمیر درگاہ خادموں کے مطابق پھولوں کی چادر پیش کرنے کی اجازت نہیں ہے تو درگاہ کھولنے کا کیا فائدہ ہے۔
خادموں نے گزشتہ روز محلہ شور گرام میں ایک رائے شماری میٹنگ کر اپنی انجمن کے سیکرٹری سید واحد حسین انگار شاہ سے ملاقات کی، جہاں وزیر اعلی اشوک گہلوت کو ایک خط لکھ کر ہدایت نامہ پر نظر ثانی کی بات رکھی گئی.
انجمن سید زادگان کے سیکرٹری واحد حسین انگارہ شاہ نے کہا کہ پھول چادر پیش نہ کرنے کی بات بے معنی ہے، اگر کوئی درگاہ پر آتا ہے تو اس کی خواہش ہوتی ہے کہ وہ درگاہ پر چادر پیش کرے۔ درگاہ صرف مارکیٹ کے لیے نہیں کھل رہی ہے۔ اس سے بہتر یہی ہے کہ درگاہ نہ کھولی جائے، جہاں اتنے دنوں تک صبر کیا ہے تو اب آگے بھی انتظار کریں گے۔
