راجستھان پولیس نے بیکانیر سینٹرل جیل سے نشہ آور ادویات کا نیٹ ورک چلائے جانے کے معاملے کا انکشاف کرتے ہوئے ایک سزا یافتہ کیمسٹ کو گرفتار کیا ہے۔
پولیس ذرائع نے بتایاکہ یہ معاملہ راجستھان کے بیکانیر ڈیویژن کے تین اضلاع سے جڑا ہوا ہے۔ پولیس نے اسگلنگ کا نیٹ ورک چلانے والے پون سندھی کو پروڈکشن وارنٹ کے ذریعے بیکانیر کے سینٹرل جیل سے گرفتار کرکے اسے آج دوپہر عدالت میں پیش کیا۔
تا ہم عدالت نے ان کو 10 اکتوبر تک پولیس کی حراست میں بھیجنے کا حکم صادر کر دیا ہے۔
پولیس نے بتایاکہ ہنومان گڑھ میں وارڈ نمبر10کے باشندے پون سندھی غیرقانونی طور پر نشہ آور ادویات کی سپلائی شروع کر دیا۔ اس کے جیل جانے کے بعد اس کی بیوی کومل سندھی اس کا کاروبار سنبھالنے لگی۔
