وزیر جنگلات و ماحولیات سکھ رام بشنوئی نے جمعہ کے روز سانبھر ضلع کا دورہ کیا اور حالات کا جائزہ لیا۔ ساتھ ہی وزیر نے افسران کو کاروائی کرنے کی ہدایت دی۔
وزیر سکھ رام بشنوئی نے کہا کہ پرندوں کی موت کے بعد حکومت اس معاملے کو سنجیدگی سے لے رہی ہے اور حالات پر نظر بنائے ہوئے ہے، اس معاملے میں خود وزیراعلیٰ مانیٹرنگ کر رہے ہیں۔ ساتھ ہی کوشش کی جارہی ہے کہ کس طرح سے زخمی پرندوں کا علاج کروایا جائے۔ وہیں قریب 150 لوگوں کی 12 ٹیمیں دن۔ رات ان پرندوں کے علاج میں لگی ہے۔
این ڈی آر ایف اور ایس ڈی آر ایف کی ٹیمیں کشتیوں کی مدد سے گھوم۔گھوم کر مرے ہوئے پرندوں کو نکال کر ڈسپوز کر رہی ہیں۔ سبھی زخمی پرندوں کا علاج جاری ہے۔
پرندوں کے علاج کے لیے کئی ریسکیو مراکز بھی بنائے گیے ہیں۔
وزیر بشنوئی نے مزید کہا کہ نمونے بریلی بھجوائے گیے ہیں، جانچ رپورٹ جمعے کی رات تک آنے کے بعد پرندوں کی موت کی وجہ معلوم ہو سکے گی۔
تیج راج چودھری نے بتایا کہ اب تک پانچ ہزار 834 پرندے ہلاک ہوچکے ہیں۔ زخمی پرندوں کو بچانے کے لیے تمام تر کوششیں کی جا رہی ہیں اور حالات قابو میں ہے۔ کئی این جی اوز بھی مدد کے لیے آگے آ رہے ہیں۔ رتن تالاب، جھپوک باندھ اور سانکبھری ماتا باندھ کے قریب 12 کلومیٹر ایریا میں تین کشتیوں کی مدد سے جھیل والے علاقے کا سروے کیا جا چکا ہے۔
وہیں ایک زخمی پرندے کو جھیل سے نکال کر علاج کیا جا رہا ہے۔ تاکہ پرندوں میں بیماری نہیں پھیل سکے۔ مرنے والے پرندوں میں پلوور، کامن کوٹ، کالے پنکھوں والا اسٹلٹ، اتری پھاوڑے اور سرخ شیلڈ وغیرہ شامل ہیں۔ ابھی تک پرندوں کی موت کی وجہ معلوم نہیں ہو سکی ہے۔
