ریاست راجستھان کے ضلع ناگور میں واقع بڑے پیر صاحب کی درگاہ پر حضرت سیدنا سیف الدین عبدالوہاب جیلانیؒ کا یوم پیدائش عقیدت اور احترام کے ساتھ منایا گیا۔
کورونا وبا کے مدنظر دوسری مرتبہ ایسا ہوا ہے جب کسی طرح کا کوئی بڑا پروگرام یہاں پر منعقد نہیں کیا گیا، مختصر لوگوں نے ہی یہاں پر تمام روایات مکمل کی، اس موقع پر عالمی وبا کورونا وائرس کے خاتمے کے لیے خاص دعا کا اہتمام بھی کیا گیا۔
یہ بھی پڑھیں: مسلمانوں میں تعلیمی شعور بہت ضروری: شاہ ثقلین میاں
درگاہ بڑے پیر صاحب کے سجادہ نشین سید صداقت علی جیلانی نے بتایا کہ 'آج حضرت سیدنا سیف الدین عبدالوہاب جیلانیؒ کا یوم پیدائش منایا گیا۔ انہوں نے کہا کہ 'حکومت کی جانب سے جو بھی ایڈوائزری مذہبی مقامات کو لےکر جاری کی گئی ہے اس کا مکمل طور پر خیال رکھا گیا۔'
واضح رہے کہ راجستھان حکومت نے 28 جون سے ریاست کے تمام مذہبی مقامات کو کھولنے کا اعلان کیا تھا۔
