ریاست راجستھان کے ضلع پالی میں کورونا انفیکشن کا قہر خاتم ہونے کا نام نہیں لے رہا ہے۔ جمعہ کے روز دیر سے جاری ہونے والی ایک رپورٹ میں پالی سے 40 نئے مثبت مریض سامنے آئے ہیں۔ ایک ساتھ بہت سارے مریض پائے جانے کے بعد شہر میں ایک بار پھر خوف کا ماحول پیدا ہوگیا ہے۔
جہاں 2 دن قبل پالی کے 38 وارڈز کرفیو سے پاک کیا گیا تھا۔ اس کے بعد محلوں میں عام لوگوں کی چہل پہل بڑھ گئی تھی۔ وہیں اچانک بہت سارے مثبت مریض ملنے کے بعد ایک بار پھر لوگ گھر سے باہر نکلنے کے بارے میں سوچ رہے ہیں۔ اگر ضلع پالی میں اعداد و شمار کے بارے میں بات کریں تو اب مثبت مریضوں کی مجموعی تعداد 257 تک جا پہنچی ہے۔
ان 40 مثبت واقعات میں سے 12 جیتارن سے، سوجت اور پالی دیہی علاقوں میں 8-8، پالی شہر میں 7، مارواڑ جنکشن میں 2 اور دیسوری، بالی اور رانی میں ایک ایک مثبت مریض سامنے آئے ہیں۔ ان 40 میں سے 30 مریض مہاجر ہیں۔ موجودہ وقت میں پالی میں 192 ایکٹیو کیسز ہیں۔ وہیں 60 متاثرہ افراد کی منفی رپورٹ آنے کے بعد گھر بھیج دیا گیا ہے۔
اس رپورٹ کے آنے کے بعد شہر کے متعدد حصوں کو کنٹینمنٹ زون قرار دے کر بیریکیڈز کر راستے بند کردیئے گئے ہیں۔
