پنجاب کے وزیراعلی کیپٹن امریندر سنگھ نے کسان یونینوں کو یقین دلایا ہے کہ ان کی حکومت سیاہ زرعی قوانین اور ان کے خلاف ڈٹے کسانوں کی مکمل حمایت کرے گی اور اسمبلی کا خصوصی اجلاس بلانے سمیت ہر ممکن اقدامات کرے گی۔
کیپٹن سنگھ آج کسان تنظیموں کے نمائندوں سے اس معاملہ پر ان کے خیالات معلوم کرنے کے لئے بلائی گئی میٹنگ کی صدارت کررہے تھے۔ انہوں نے کہاکہ حکومت قوانین ماہرین کی ٹیم کے ساتھ اس معاملہ پر سنجیدگی سے غور کرے گی اور آئندہ کئے جانے والے اقدامات کو حتمی شکل دے گی، جن میں ان زرعی قوانین کو سپریم کورٹ میں چیلنج کرنا شامل ہوگاگا۔
اس موقع پر کسانوں کے نمائندوں کے علاوہ کانگریس کے جنرل سکریٹری اور پنجاب امور کے انچار ہریش راوت سمیت کابینی وزیر سکھجندر سنگھ رندھاوا، گرپریت سنگھ کانگڑ، بھارت بھوشن آشو، پنجاب ریاستی کانگریس کمیٹی کے پردھان سنیل جاکھڑ اور ایڈوکیٹ جنرل اتل نند ا بھی موجود تھے۔
یہ بھی پڑھیے
مکئی کی کاشت کبھی جونپور کی شناخت تھی
انہوں نے کہا کہ اگر قوانین کے ماہرین کی یہ صلاح ہوتی ہے کہ مرکزی قوانین کا مقابلہ کرنے کے لئے صوبائی قوانین میں ترمیم کی جائے، تو ایسا کرنے کے لئے فوری طورپر اسمبلی کا خصوصی اجلاس بلایا جائے گا۔
