فیروز پور: بارڈر سیکیورٹی فورس (بی ایس ایف) نے ایک پاکستانی شہری کو اس وقت گرفتار کیا جب وہ پنجاب کے ضلع فیروز پور میں غیر قانونی طور پر بھارت-پاکستان بین الاقوامی سرحد عبور کر رہا تھا، حکام نے منگل اسکی اطلاع دی۔ پبلک ریلیشن آفیسر (پی آر او) پنجاب فرنٹیئر کے مطابق پاکستانی شہری کو بی ایس ایف کے دستوں نے اس وقت پکڑ لیا جب وہ فیروز پور ضلع کے ہزارہ سنگھ والا گاؤں کے قریب بین الاقوامی سرحد عبور کر کے بھارتی علاقے میں داخل ہو رہا تھا۔
تفتیش کے دوران انکشاف ہوا کہ گرفتار پاکستانی شہری غیر ارادی طور پر بھارتی حدود میں داخل ہوا تھا اور نادانستہ طور پر سرحد عبور کر گیا تھا۔ اس کے پاس سے کوئی قابل اعتراض چیز برآمد نہیں ہوئی ہے، پی آر او نے اس کی اطلاع دی۔ اس کے بعد بی ایس ایف نے پاکستان رینجرز سے رابطہ کیا اور معاملے پر احتجاج درج کرایا۔
بتادیں کہ 27 جون 2023 کو شام 5:10 بجے گرفتار پاکستانی شہری کو انسانی ہمدردی کی بنیاد پر پاکستان رینجرز کے حوالے کر دیا گیا، پنجاب فرنٹیئر کے پی آر او نے بتایا۔مزید برآں پی آر او نے ایک بیان دیا کہ بی ایس ایف نادانستہ طور پر سرحد عبور کرنے والوں سے نمٹنے کے دوران ہمیشہ انسانی رویہ اپناتا ہے۔ واضح رہے کہ اس قبل ریاست پنجاب کے ضلع ترن تارن کے نوشہرہ ڈھلہ گاؤں کے قریب بھارتی علاقے میں دو پاکستانی شہریوں کو گرفتار کیا گیا، جو نادانستہ طور پر سرحد عبور کرکے بھارتی سرحد میں داخل ہوگئے تھے۔ بھارتی فوج نے انہیں انسانی ہمدردی کی بنیاد پر پاکستان کے حوالے کردیا۔
