امرتسر میں کورونا وائرس سے متاثر ایک شخص کی موت

عالمی وبا کورونا وائرس کے انفیکشن سے آج امرتسر میونسپل کارپوریشن کے سابق اسسٹنٹ کمشنر کی موت ہوگئی۔ اسی کے ساتھ پنجاب میں کورونا سے مرنے والوں کی تعداد سات ہوگئی ہے۔

امرتسر کی سول سرجن پربھجیت کور جوہل نے بتایا کہ جسویندرسنگھ کا گلا خراب تھا اور انہیں زکام بھی تھا۔ انہیں گورو نانک دیو اسپتال لایا گیا تھا، جہاں جانچ کرنے پر ان کی رپورٹ پہلے نیگیٹیو آئی تھی جس کے بعد انہیں گھر جانے دیا گیا تھا لیکن گھر پر ان کی طبیعت بگڑنے پر انہیں فورٹس اسپتال لایا گیا جہاں ان کا ٹسٹ پازیٹیو آٰیا۔

آج صبح علاج کے دوران ان کی موت ہوگئی۔

ڈاکٹر کور نے بتایا کہ جسوندر سنگھ کے گھر والوں کو کوارنٹین کردیا گیا ہے۔