ترال: وائلڈ لائف اہلکاروں نے ایک ریچھ پکڑا

جموں و کشمیر کے پلوامہ ضلع کے ترال علاقے میں وائلڈ لائف کی ٹیم نے ریچھ کو پکڑا ہے اور لوگوں سے گزارش کی ہے کہ وہ جنگلوں میں اکیلے نہ جائے۔ تین دن قبل بھی ایک ریچھ کو پکڑا گیا تھا۔

پلوامہ/ترال: پلوامہ کے ترال علاقے میں وائلڈ لائف کی ٹیم نے ایک اور ریچھ کو پکڑنے میں کامیابی حاصل کی۔ اس بار خانہ گنڈ رینج کی ٹیم نے کچھمولہ گاؤں میں ریچھ کو پکڑا ہے۔ جس کو اب مناسب رہائش گاہ کے لئے منتقل کیا جارہا ہے۔ واضح رہے کہ تین دن پہلے بھی ہردومیر ترال میں وائلڈ لائف کی ٹیم نےایک ریچھ کو پکڑ لیا تھا، جس کے بعد اس کو مناسب رہائش گاہ منتقل کردیا گیا تھا۔

وائلڈ لائف کے ایک عہدیدار کے مطابق محکمہ کی ٹیمیں آگے بھی ایسی کارروائیاں جاری رکھیں گی۔ انھوں نے بتایا کہ تین دن قبل انھوں نے اس علاقے میں کیج نصب کیا تھا اور آج ریچھ کو پکڑنے میں کامیاب ہو گئے ہیں انھوں نے اعتراف کیا کہ علاقے میں مزید ریچھ موجود ہیں اور محکمہ عوام سے اپیل کر رہا، ہے کہ کھیتوں میں اکیلے جانے سے پر ہیز کریں۔

اس موقع پر ڈیلی ویجر ملازمین نے اہم رول ادا کیا اور سرکار سے مانگ کی کہ ان کے مستقلی کے لیے اقدامات کیے جائیں۔