پلوامہ: دو نوجوانوں کی مبینہ طور عسکری صفوں میں شمولیت

جنوبی کشمیر سے تعلق رکھنے والے دو نوجوانوں کی بندوق ہاتھ میں لیے فوٹو وائرل ہوئی ہے۔

جنوبی کشمیر کے ضلع پلوامہ سے تعلق رکھنے والے دو نوجوانوں کی فوٹو سماجی رابطہ گاہوں پر وائرل ہوئی جس میں انہوں نے بندوق ہاتھ میں اٹھا رکھی ہے۔

وائرل تصاویر میں ان نوجوانوں کا عسکریت پسند تنظیم البدر مجاہدین میں شامل ہونے کا دعویٰ کیا گیا ہے۔

ضلع پلوامہ کے کھریو علاقے سے تعلق رکھنے والے سہیل احمد اور سومبورہ کے شاہد احمد کی تصاویر سوشل میڈیا پر گشت کر رہی ہیں۔ تاہم اس ضمن میں کسی بھی سیکورٹی ایجنسی نے تصاویر یا دونوں نوجوانوں کے عسکری صفوں میں شامل ہونے کی تردید کی ہے نہ ہی تائید کی ہے۔