میونسپل کمیٹی ترال نے آج ٹاؤن میں صفائی ستھرائی کو برقرار رکھنے کے لیے عوام میں کوڑے دان تقسیم کیے۔ اس سلسلے میں گامراج روڈ پر واقع نورآباد بستی میں ایک سادہ تقریب میں یہ کوڑے دان تقسیم کیے گئے۔
اس موقع پر ایگزیکیوٹیو آفیسر میونسپل کمیٹی ترال منظور احمد اور کمیٹی کے صدر راکیش پنڈت موجود تھے۔ یہ کوڑے دان عوام کو بالکل مفت تقسیم کیے گئے جبکہ عوام کو ان کوڑے دانوں کو استعمال کرنے اور اپنے ماحول کو صاف رکھنے کی اپیل کی گئی۔
یہ بھی پڑھیں: سوچھ بھارت مشن تشہیری مہم تک محدود
میڈیا سے گفتگو کرتے ہوئے راکیش پنڈت نے بتایا کہ سوچھ بھارت کے تحت ہر جگہ کو صاف رکھنا ہماری اولین ترجیحات ہیں۔ انھوں نے کہا کہ آج گامراج روڈ پر کوڑے دان تقسیم کیے گئے اور دیگر میونسپل وارڈوں میں بھی یہ کوڑے دان تقسیمِ کیے جائیں گے تاکہ ترال میں صفائی ستھرائی کو یقینی بنایا جاسکے۔
