ضلع پلوامہ کے سب ضلع ترال کے اڈیشنل ڈپٹی کمشنر شبیر احمد رینا نے آج دور دراز علاقے گجر بستی شاجن کا دورہ کیا۔ اس دوران انہوں نے لوگوں کے مسائل و پریشانیاں سنی اور انہیں متعلقہ افسران کو جلد از جلد حل کرنے کی تلقین کی۔
شاجن گاوں میں سڑک، بجلی اور پانی و دیگر بنیادی سہولیات کا فقدان ہے اور لوگ آج بھی مشکلات کے ساتھ اپنی زندگی گزارنے پر مجبور ہیں۔
اڈیشنل ڈپٹی کمشنر ترال شبیر احمد رینا نے کہا 'ہم نے گذشتہ برس بھی اس علاقے کا دورہ کیا۔ جس کے بعد کئی مسائل حل کیے گئے اور اب گاوں میں ایک بار پھر صورتحال کا جائزہ لیا گیا ہے'۔
یہ بھی پڑھیے
ہندوارہ میں دو عسکریت پسند، تین معاون گرفتار
انھوں نے مزید بتایا 'گاوں میں فوری طور پر بجلی سپلائی بحال کرنے کے لیے اقدامات کیے گئے ہیں جبکہ پونزو شاجن روڈ کے کام کو مکمل کرنے کے لیے بھی اقدامات کیے جا رہے ہیں تاکہ شاجن بستی میں رہ رہے لوگوں کو راحت مل سکے'۔
