ضلع پلوامہ کے ترال علاقے میں واقع سیر جاگیر میں آج شام اس وقت افرا تفری پھیل گئی جب کھیتوں میں کام کر رہے تین افراد ایک بھاری بھرکم ریچھ کے حملے میں زخمی ہو گئے۔
اطلاعات کے مطابق مقامی کھیتوں میں کام کر رہے افراد پر ریچھ نے حملہ بول دیا جس کے بعد انہوں نے کمال جرات کا مظاہرہ کر کے اپنی جان بچائی، تاہم اس دوران یہ تینوں افراد زخمی ہوگئے، جن کو بعد ازاں سب ڈسٹرکٹ ہسپتال ترال منتقل کیا گیا۔ جہاں ان کی حالت خطرے سے باہر بتائی جا رہی ہے۔
یہ بھی پڑھیں:
اونتی پورہ: فوج کی جانب سے جشنِ آزادی تقریب
زخمیوں کی شناخت غلام حسن بٹ، محمد کمال بٹ اور عبدل رشید خان ساکنان سیر جاگیر کے بطورِ ہوئی ہے۔
واضح رہے کہ ترال میں امسال ریچھوں کی جانب سے بستیوں کا رخ معمول بن گیا ہے اور گزشتہ دنوں امیراباد ترال میں وائلڈ لایف اہلکاروں نے ایک ریچھ کو پکڑ نے میں کامیابی حاصل کی تھی۔
