ترال: لاک ڈاؤن کی وجہ سے آج بھی بازار سنسان

جنوبی کشمیر کے ترال میں بھی آج لاک ڈاون کا خاصہ اثر دیکھنے کو ملا، جس دوران سڑکوں پر ٹریفک غائب رہا۔ دکانیں اور کاروبار بھی بند تھے۔

لاک ڈاؤن کو موثر بنانے کے لیے سیکورٹی کے سخت انتظامات کیے گئے تھے۔ ترال کے اہم بازاروں میں پولیس کی طرف سے رکاوٹیں کھڑی کی گئی تھیں اور صرف مجبوری کی حالت میں لوگوں کو آگے جانے کی اجازت دی جا رہی تھی۔

واضح رہے کہ کورونا وائرس سے اب تک ترال میں چار لوگوں کی موت ہو چکی ہے جبکہ فی الوقت ستر سے زائد فعال مریض ہیں۔ سیموہ نامی گاؤں میں دو دن کے اندر 16 کورونا کے مریض ملے ہیں۔