یس ایس پی اونتی پورہ طاہر سلیم نے ایس ڈی پی او امتیاز احمد اور ایس ایچ او پانپور منظور احمد کے ہمراہ آج جنوبی کشمیر کے ضلع پلوامہ کے قصبہ پانپور کا دورہ کیا جس دوران انہوں اُن کنبوں کے ساتھ اظہار تعزیت کیا جنہوں نے کل تل باغ پانپور میں زعفران کے کھیتوں کے قریب ایک دلدوز حادثے میں اپنی دو بیٹیوں کو کھو دیا ہے۔
ایس ایس پی نے محمد رفیق بٹ اور نزیر احمد پنڈت کے گھر جاکر سوگوار خاندانوں سے اظہار ہمدردی کی۔ انہوں نے کہا کہ انہیں اس حادثے کے بارے میں جانکاری ملنے کے بعد سخت دکھ ہوا ہے۔
ایس ایس پی نے سوگوار خاندانوں کو ہر ممکن مدد کی بھی یقین دہانی کی۔
اس ایس پی نے میڈیا سے بات کرتے ہوئے کہا کہ حادثہ کے ذمہ دار ڈرئیور کے خلاف سخت قانونی کاروائی کی جائے گی۔
انہوں نے کہا کہ پولیس نے دفعہ 279، 337، 427 آئی پی سی کے تحت 57/2020 معاملات درج کئے گئے ہیں اور پولیس اس سلسلے میں مزید تفتیش میں مسروف ہے۔
انہوں نے کہا 'جس طرح سے یہ حادثہ پیش آیا ہے ہمیں لگتا ہے یہ محض حادثہ نہیں بلکہ قتل بھی ہو سکتا ہے تاہم پولیس اس سلسلے میں اپنی کاروائی جاری رکھے ہوئے ہے۔'
