جموں و کشمیر میں ضلع پلوامہ کے قصبہ ترال میں واقع خانقاہ فیض پناہ میں نماز جمعہ کے موقع پر کوروناوائرس سے حفاظت کے لیے خصوصی دعائیہ مجلس کا اہتمام کیا گیا۔
نماز جمعہ کے موقعے پر فرزندان توحید نے اس وبائی بیماری سے نجات کے لیے دعائوں کا اہتمام کیا جس دوران رقت آمیز مناظر بھی دیکھنے کو ملے۔
کرونا وائرس سے حفاظت کے لیے خصوصی دعائیہ مجلس
پیر و جوان، بزرگوں اور بچوں نے اللہ تعالیٰ سے کشمیر کے ساتھ ساتھ پورے عالم کے لیے اس وبا سے حفاظت کے لیے اشک بار آنکھوں سے دعائیں مانگیں۔
قابل ذکر ہے کہ بدھ کی شام کو سرینگر میں کوروناوائرس کا ایک مثبت کیس سامنے آنے کے بعد انتظامیہ نے وادی کے سبھی اضلاع میں دفعہ 144کا نفاذ عمل میں لایا ہے۔ وہیں اس وبائی بیماری کی کشمیر آمد کے ساتھ ہی عوام الناس میں خوف و ہراس کا ماحول ہے۔
