ماہ مبارک رمضان کے دوسرے جمعہ کو جنوبی کشمیر کے ترال علاقہ کی معروف زیارت گاہ خانقاہ فیض پناہ ترال Khanqah e Faiz Panah, Tral میں ہزاروں لوگوں نے حاضری دیکر اللہ کے حضور اپنے گناہوں سے معافی طلب کی۔ Special Prayers Held at Khanqah e Faiz Panah اس موقع پر ترال اور وادی کے دیگر علاقوں سے آئے لوگوں کی ایک بڑی تعداد نے نماز جمعہ میں شرکت کی۔
نماز سے قبل خانقاہ فیض پناہ ترال کے خطیب مولانا شبیر احمد شاہ نے عشرۂ مغفرت پر مفصل روشنی ڈالی اور لوگوں پر زور دیا کہ وہ اس متبرک عشرے کی پر نور ساعتوں کو فضولیات میں ضائع نہ کریں۔ Special Prayers Held at Khanqah e Faiz Panah, Tralگزشتہ دو برسوں کے دوران کووڈ کی وجہ سے یہاں بڑے اجتماعات منعقد نہیں ہو پائے تھے، تاہم اب کی بار عقیدت مند کافی خوش نظر آ رہے تھے۔ اس موقع پر خانقاہ فیض پناہ میں عالمی امن و رحمت باراں کے لیے خصوصی دعائیں مانگی گئیں۔
میڈیا سے گفتگو کرتے ہوئے عقیدت مندوں نے طویل عرصہ بعد خانقاہ فیض پناہ میں بڑے اجتماع کے انعقاد پر مسرت کا اظہار کرتے ہوئے کہا کہ انہوں نے عالمی امن کے ساتھ ساتھ اپنے اعزہ و اقارب کے لیے بھی دعائیں مانگیں، Special Prayers Held at Khanqah e Faiz Panah, Tralجبکہ رحمت باراں کے لیے بھی خصوصی دعائیہ مجلس کا اہتمام عمل میں لایا گیا۔
