پانی کی عدم دستیابی سے ترال کی عوام کو مشکلات

جنوبی کشمیر میں ضلع پلوامہ کے شاہ آباد، ترال علاقے میں پینے کے صاف پانی کی عدم دستیابی سے عوام کو مشکلات کا سامنا کرنا پڑ رہا ہے۔

جنوبی کشمیر کے سب ضلع ترال میں پینے کے پانی کی قلت سے عوام کو شدید مشکلات سے دوچار ہونا پڑ رہا ہے۔

سب ضلع ترال کے شاہ آباد علاقے میں مقامی آبادی کو پینے کا صاف پانی حاصل کرنے کے لیے روزانہ کئی کلومیٹر کا سفر کرنا پڑ رہا ہے۔

مقامی لوگوں کے مطابق علاقے کے مضافات میں کئی سال قبل واٹر سپلائی اسکیم کے تحت کام شروع تو کیا گیا لیکن گھر گھر پینے کا پانی پہنچانے کا خواب ابھی تک شرمندہ تعبیر نہیں ہوا۔

مقامی باشندوں نے ای ٹی وی بھارت کے ساتھ بات کرتے ہوئے کہا کہ پانی کی پائپیں جگہ جگہ ٹوٹی ہوئی ہیں جبکہ آبادی کو پانی مہیا کرنے کے حوالے سے سنجیدہ اقدامات نہیں اٹھائے جا رہے ہیں۔

مقامی لوگوں کا مطالبہ ہے کہ محکمہ جل شکتی کو ہنگامی بنیادوں پر کام شروع کرکے عوام کو پینے کا پانی مہیا کیا جانا چاہئے۔