جموں و کشمیر کے اونتی پورہ کے دوبلاک اونتی پورہ 1 اور 2 میں بھی کل یعنی 7 دسمبر کو ڈی ڈی سی کے چوتھے مرحلے کے تحت ووٹنگ ہوگی۔ دونوں بلاکوں میں رائے دہنگان کی کل تعداد چھتیس ہزار کے قریب ہے، دونوں بلاک سے گیارہ امیدوار میدان میں ہیں۔ اونتی پورہ 2 خواتین کے لئے مختص ہے۔ یہاں سے چھ خواتین امیدوار قسمت آزمائی کر رہی ہیں۔
اونتی پورہ: انتخابات کے لیے غیر معمولی سیکورٹی انتظامات
انتخابات کو بہتر طریقے منعقد کرنے کے لیے 61 پولنگ مراکز کو 23 پولنگ مراکز میں تبدیل کیا گیا ہے۔ مزید اسلامک یونیورسٹی اونتی پورہ کے احاطے میں ایک کنٹرول روم قائم کیا گیا ہے۔ جہاں سے آج پولنگ عملے کو پولنگ مراکز کے لیے روانہ کیا گیا ہے علاقے میں سیکیورٹی کے سخت انتظامات کئے گئے ہیں تاکہ پولنگ صاف وشفاف ڈھنگ سے منعقد کرائی جا سکے۔
مزید پڑھیں:
