اطلاعات کے مطابق فوج کی 42 آر آر، سی آر پی ایف کی 180 بٹالین اور ایس او جی ترال نے مشترکہ طور پر کچھمولہ نامی گاؤں کا محاصرے میں لیا تھا۔ انہیں علاقے میں عسکریت پسندوں کی موجودگی کی اطلاعات ملی تھیں۔
اس دوران فورسز کی بھاری نفری کو تعینات کیا گیا اور گاؤں کے تمام داخلی اور خارجی راستوں پر پہرے بٹھا دئیے گئے اور خانہ تلاشییوں کا سلسلہ بھی شروع کیا گیا۔
ای ٹی وی بھارت کے نمائندے کے مطابق سرچ آپریشن پرامن طریقے سے اختتام کو پہنچ چکا ہے اور کسی کے بھی گرفتاری کی اطلاعات نہیں ہیں۔ اور نہ ہی کسی ناخوشگوار واقعے کی اطلاع ہے۔
واضح رہے کہ اس علاقے کو گزشتہ ہفتے کے دوران دو بار محاصرے میں لیا جا چکا ہے۔
