سنٹرل بورڈ آف سکنڈری ایجوکیشن کے دسویں جماعت کے نتائج منظر عام پر آنے کے بعد جہاں وادی کے مختلف اسکولوں سے وابستہ طالب علموں نے بہترین کارکردگی کا مظاہرہ کر کے اپنے سکولوں کا نام روشن کیا ہے وہیں سیمپورہ پانپور کی ناز کالونی سے تعلق رکھنے والے سترہ سالہ طالب علم نعمان جاوید بٹ جو دہلی پبلک اسکول پانتہ چوک میں زیر تعلیم ہے نے 98.60 فیصد مارکس کے ساتھ امتیازی پوزشن حاصل کر کے نہ صرف اپنے سکول کا بلکہ اپنے علاقے اور اپنے والدین کا نام بھی روشن کیا ہے۔
نعمان کا کہنا ہے کہ اپنی علمی صلاحیتوں کو بڑھانے کے لئے طالب علموں کو مختلف کتابوں کا مطالعہ کرنا چاہیے لیکن انہیں سب سے پہلے اپنے نصاب کی طرف ہی دھیان دینا چاہیے تاکہ وہ امتحان اچھے نمبرات کے ساتھ کامیابی حاصل کر سکیں۔
نعمان کا کہنا ہے کہ اگست کے بعد اسکول بند رہے جس سے وادی کے طالب علموں کی تعلیم کافی متاثر رہی ہے۔ تاہم انہوں نے گھر میں بیٹھ کر خود محنت کی اور گھر والوں نے بھی نعمان کو محنت کرنے پر زور دیا جس وجہ سے انہوں نے اس امتحان میں امتیازی پوزیشن حاصل کی ہے۔
انہوں نے کہا کہ پڑھائی لکھائی کے ساتھ ساتھ کھیل کود بھی ضروری ہے تاکہ بچوں کی نشونما اچھی طرح ہو سکے جس سے وہ تندرست رہے گے اور وہ پڑھاٸی بھی کرینگے۔ انہوں نے مزید کہا کہ موبائل بھی ضروری ہے تاہم ضرورت سے زیادہ وقت تک موبائل کا استعمال بھی وقت ضائع ہونے کے مترادف ہے۔
انہوں نے دوسرے طالب علموں کو پیغام دیا ہے کہ وہ کھیل کود بھی کرے لیکن پڑھائی کی طرف خصوصی طور اپنا توجہ مرکوز کرے تاکہ وہ زندگی کے ہر میدان میں آگے بڑے۔
