جنوبی کشمیر کے نکس پلوامہ میں سڑک حادثے میں ایک شخص کی موت جبکہ چار دیگر زخمی ہو گئے ہیں۔
بدھ کی شام ایک ماروتی کار زیر رجسٹریشن نمبر جے کے زیرو تین 0721 نکس کے مقام پر ایک درحت سے ٹکرا گئی جس کے نتیجے میں گاڑی میں سوار چار افراد زخمی جبکہ ڈرائیور فوت ہوگیا۔
اطلاعات کے مطابق ضلع پلوامہ کے کیگام علاقے سے تعلق رکھنے والا سہیل احمد ڈار ولد محمد مقبول ڈار، تیز رفتار سے گاڑی چلا رہا تھا جس کے نتیجے میں اس نے گاڑی پر قابو کھو دیا اور گاڈی نکس کے مقام پر ایک درحت سے جا ٹکرائی۔ حادثے میں ڈرائیور موقع پر ہی ہلاک ہوگیا۔
زخمیوں کی شناخت دانش اکبر ریشی (15) ولد محمد اکبر، عبید مقبول (24) ولد محمد مقبول، محمد صبور ڈار (15) ولد منظور احمد ڈار اور دانش احمد ڈار (14) ولد غلام حسن ڈار کے طور پر ہوئی ہے۔
زخمیوں کا علاج سرینگر کے ہسپتال میں جاری ہے۔
اس واقعے کی تصدیق کرتے ہوئے ایک پولیس عہدیدار نے بتایا کہ اس سلسلہ میں ایک کیس درج کر کے تحقیقات شروع کر دی گئی ہے۔
