تفصیلات کے مطابق کورونا وائرس کے بڑھتے واقعات کو مد نظر رکھتے ہوئے سب ضلع ہسپتال پانپور میں رسپیریٹری کلنک قاٸم کیا گیا ہے جس کے ذریعے کورونا وائرس کے سیمپلز لیے جا رہے ہیں۔
بی ایم او پانپور نے کہا کہ 'ہسپتال میں رسپیریٹری کلنک قاٸم کرنے کے علاوہ ان کے پاس متعدد سرویلنس ٹیمیں ہیں جو ہر روز ہیلتھ بلاک پانپور کے مختلف علاقوں میں جا کر لوگوں سے سیمپلز لیتے رہتے ہیں تاکہ ان علاقوں میں اگر کسی بھی شخص میں ایسی علامت پاٸی جاتی ہے تو اسے فوراً قرنطین کیا جا سکے۔
بلاک میڈیکل افسر نے مزید کہا ہے کہ رسپیریٹری کلنک میں ان لوگوں کے سیمپلز لیے جاتے ہیں جن میں کسی قسم کی علامت پاٸی جاتی ہے۔
انہوں نے کہا کہ سیمپلز لینے کے فوراً بعد ان لوگوں کو تب تک قرنطین رکھا جاتا ہے جب تک ان سے لیے جانے والے سیمپلز کا نتیجہ نہیں آتا ہے۔
یہ بھی پڑھیں: کورونا متاثرہ حاملہ خواتین کے لیے علیحدہ ہسپتال
بی ایم او نے کہا کہ ان کی سرولینس ٹیمیں مختلف علاقوں میں جاکر لوگوں سے سیمپلز لیتے ہیں جو اس بیماری پر قابو پانے کا ایک ذریعہ بن سکتا ہے۔انہوں نے لوگوں سے اپیل کی ہے کہ وہ سرویلینس عملےکے ساتھ تعاون کریں تاکہ اس بیماری کا خاتمہ ممکن ہو
