Dilapidated Roads In Tral ترال لاڈی یار کی آبادی سڑک کی خستہ حالی سے پریشان

بی ڈی او ڈاڈسرہ سائمہ رمضان نے بتایا کہ محکمہ نے پہلے ہی ترال لاڈی یار سڑک کو امسال کے پلان میں جگہ دی ہے اور اس بار سڑک کی تعمیر نو جلد ہی کی جائے گی تاکہ مقامی لوگوں کو راحت مل سکے۔

پلوامہ:جہاں ایک طرف انتظامیہ عوام کو بنیادی سہولیات کی فراہمی کے حوالے سے بلند بانگ دعوے کر رہا ہے وہیں ترال سب ضلع کے ایک چھوٹا سا گاؤں لاڈی یار میں خستہ حال سڑکیں عوام کے لیے وبال جان بن گئی ہیں۔ جم محلہ لاڈی یار کے مقامی باشندوں کے مطابق سڑک کی خسته حالی مقامی آبادی کے لیے درد سر بنی ہوئی ہے کیونکہ بارش پڑتے ہی یہ سڑک جھیل میں تبدیل ہوتی ہے۔
مقامی لوگوں کے مطابق اس معاملے کو لیکر انہوں نے کئی مرتبہ دیہی ترقی کے حکام کی نوٹس میں لایا لیکن انہوں نے اس معاملے کو نظر انداز کیا۔ آبادی نے ضلع ترقیاتی کمشنر پلوامہ سے اس معاملے میں ذاتی مداخلت کی اپیل کی ہے۔

ادھر بلاک ڈویلپمنٹ آفیسر ڈاڈسرہ سائمہ رمضان نے ای ٹی وی بھارت کو بتایا کہ ان کے محکمہ نے پہلے ہی اس سڑک کو امسال کے پلان میں جگہ دی ہے اور اس بار سڑک کی تعمیر نو جلد ہی کی جائے گی تاکہ مقامی لوگوں کو راحت مل سکے۔انہوں نے عوام سے اپیل کی کہ وہ دیہی ترقی محکمہ کے کسی بھی کام کے لیے وہ براہ راست ان کے ساتھ رابطہ کریں۔