ضلع پلوامہ کے رہموں، بنگام علاقے کے لوگوں نے محکمہ پی ایچ ای کے خلاف نعرے بازی کرتے ہوئے احتجاج کیا۔
احتجاج کر رہے لوگوں نے رہموں - پلوامہ سڑک کو احتجاجا بند کیا، جس کی وجہ سے کئی گھنٹوں تک ٹریفک کی نقل و حرکت متاثر رہی۔
پلوامہ: پینے کے پانی کی عدم دستیابی کو لیکر احتجاج
علاقے کے مرد و زن نے پانی کی قلت کے حوالے سے احتجاج کیا، انہوں نے الزام عائد کرتے ہوئے کہا کہ پچھلے کئی مہینوں سے انہیں پانی کی قلت کی وجہ سے بے پناہ مشکلات کا سامنا کرنا پڑ رہا ہے۔
انہوں نے مزید کہا کہ پانی کی قلت کے حوالے سے انہوں نے کئی بار محکمہ جل شکتی سے رابطہ قائم کیا تاہم علاقے میں پانی جیسی بنیادی ضرورت کے حوالے سے ٹھوس اقدامات نہیں اٹھائے گئے۔
مظاہرین نے محکمہ جل شکتی کے اعلیٰ حکام کے علاوہ ضلع انتظامیہ سے بھی ان کے علاقے میں پانی جیسی بنیادی ضرورت کے حوالے سے سنجیدہ اقدامات اٹھانے کی اپیل کی۔
