شارجہ: کرکٹرز کو اپنی کارکردگی کی وجہ سے سوشل میڈیا پر کافی زیادہ ٹرول کیا جاتا ہے۔ خواہ وہ مرد کرکٹر ہو یا خاتون کرکٹر ہر کسی کو خراب پرفارمنس پر ٹرولنگ کی جاتی ہے۔
لیکن اب ایسا کرنا سوشل میڈیا صارفین کے لیے آسان نہیں ہوگا، کیونکہ انٹرنیشنل کرکٹ کونسل (آئی سی سی) نے اے آئی سوشل میڈیا ماڈریشن ٹول لانچ کیا ہے۔ یہ ایک ایسا ٹول ہے جو کرکٹرز کو سوشل میڈیا پر منفی تبصروں سے دور رہنے میں مدد دے گا۔
قابل ذکر ہے یہ ٹول آج سے شارجہ میں شروع ہونے والے ویمنز ٹی ٹوئنٹی ورلڈ کپ 2024 میں کرکٹ کمیونٹی کو نامناسب مواد سے بھی محفوظ رکھے گا۔ یہ ٹول کرکٹ ورلڈ کپ کے دوران خاتون کھلاڑیوں اور شائقین کو ایک محفوظ اور جامع آن لائن ماحول پیدا کرنے میں بھی فائدہ مند ہے۔
The captains unwind before the battle begins at the Women's #T20WorldCup
— ICC (@ICC) October 2, 2024
🤩🔥#WhateverItTakes pic.twitter.com/HLqi01QIpY
اے آئی سے چلنے والا یہ ٹول GoBubble کے ساتھ مل کر کھلاڑیوں کے سوشل میڈیا چینلز پر نفرت انگیز تبصرے اور ہراساں کرنے جیسے زہریلے مواد کی نگرانی کرتا ہے۔ اس ٹول کا مقصد ذہنی صحت کی حفاظت کرنا اور ایک مثبت ماحول کو فروغ دینا ہے۔
آئی سی سی ہیڈ آف ڈیجیٹل فن بریڈشا نے کہا کہ ہم آئی سی سی ویمنز ٹی ٹوئنٹی ورلڈ کپ کے تمام شرکاء اور شائقین کے لیے ایک مثبت اور جامع ماحول کو فروغ دینے کے لیے پرعزم ہیں، ہمارے نئے اقدام میں اتنے زیادہ کھلاڑیوں اور ٹیموں کو حصہ لیتے ہوئے دیکھنا بہت اچھا لگ رہا ہے۔ کیونکہ 60 سے زائد کھلاڑی پہلے ہی سوشل میڈیا کے اس سکیورٹی سروس ٹول کا حصہ بن چکے ہیں۔
Two falcons 🦅
— ICC (@ICC) October 2, 2024
Two camels 🐫
10 captains 😎
ONE trophy 🏆
It’s all happening in the UAE! #T20WorldCup #WhateverItTakes pic.twitter.com/cv6Te9TIsO
جنوبی افریقہ کی کھلاڑی سینالو جافتا نے کہا کہ ہار یا جیت کے بعد آپ کا فون کھولنے سے بدتر کوئی چیز نہیں ہوتا ہے اور اس بات سے کوئی فرق نہیں پڑتا ہے کہ آپ کسی بھی طرف ہوں، آپ کی شخصیت کے بارے میں ہمیشہ کوئی نہ کوئی توہین آمیز تبصرہ ہوتا ہے۔
انھوں نے مزید کہا کہ میرے لیے یہ سکیورٹی بہت بڑی ہے کیونکہ کھلاڑیوں کو بغیر کسی تنقید کے خوف کے دنیا کے ساتھ اپنی زندگی شیئر کرنے کا موقع ملتا ہے۔
واضح رہے کہ آج سے شروع ہونے والے خواتین کے ورلڈ کپ ٹورنامنٹ کے پہلے دن دو میچ کھیلے جائیں گے، جس میں بنگلہ دیش کا مقابلہ اسکاٹ لینڈ سے سہ پہر تین بجے ہوگا۔ جبکہ دوسرا میچ سری لنکا اور پاکستان کے درمیان اسی مقام پر شام ساٹھے سات بجے کھیلا جائے گا۔ فائنل میچ 20 اکتوبر بروز اتوار دبئی میں ہوگا۔
