پلوامہ: ضلع پلوامہ کے اسماعیل کالونی، کھریو ناگندر کے باشندوں نے رہائشی علاقے کے قریب کان کنی کے خلاف احتجاجی مظاہرہ کیا۔ احتجاج میں شامل مقامی مرد و زن بشمول طلبہ نے رہائشی علاقوں کے نزدیک کان کنی پر پابندی کا مطالبہ کرتے ہوئے کہا کہ ’’رہائشی علاقوں کے نزدیک کان کنی سے رہائشیوں خصوصاً طلبہ کو سخت مشکلات کا سامنا کرنا پڑ رہا ہے۔‘‘ Protest in Khrew Pampore
احتجاج کر رہے لوگوں نے بتایا کہ علاقے میں مشینوں کے ذریعے کان کنی انجام دی جاتی ہے جس سے علاقے میں ہر وقت اتنا شور ہوتا ہے کہ طلبہ نہ اسکول میں اور نہ ہی گھروں میں پڑھائی کر پاتے ہیں۔ انہوں نے مزید کہا کہ ’’مقامی آبادی کو ہمیشہ مشینوں کے ناقابل برداشت شور سے سخت پریشانیوں کا سامنا کرنا پڑتا ہے۔ مسلسل شور شرابے کے باعث لوگوں کی زندگی اجیرن بن چکی ہے۔‘‘ Protest against Stone Miners in Khrew
انہوں نے مزید کہا کہ ’’نوزائید بچے، بزرگ یا بیمار افراد مشینوں کے شور کی وجہ سے آرام نہیں کر پاتے۔ دن ہو یا رات مشینوں کے شور سے لوگ چند لمحے چین سے سو بھی نہیں پاتے۔‘‘ انہوں نے متعلقہ محکمہ جات خصوصاً تحصیل انتظامیہ سے مداخلت کی اپیل کرتے ہوئے علاقہ کا معائنہ کرنے اور ’’غیر قانونی طور کام کر رہی مشینوں‘‘ کو بند کرانے کا مطالبہ کیا۔
- مزید پڑھیں: پلوامہ کے لیتھ پورہ علاقے میں کان کنی پر پابندی
