جنوبی کشمیر میں سب ضلع ترال کے گلشن پورہ علاقے میں تقریباً تیس لاکھ روپیے کی لاگت سے بننے والے ایک نئے ہیلتھ سینٹر کا افتتاح کیا گیا۔
ہیلتھ سینٹر کے قیام سے گلشن پورہ سمیت کئی دیہات کو صحت عامہ کی سہولیات فراہم ہوں گی۔ اس سے قبل مریضوں کو علاج و معالجے کے لیے ترال یا بٹہ گنڈ کا رخ کرنا پڑتا تھا۔
مقامی باشندوں نے بتایا کہ علاقے میں ہیلتھ سینٹر کے قیام سے عوام کی ایک دیرینہ مانگ پوری ہوئی ہے اور وہ امید کرتے ہیں کہ سینٹر میں تمام لازمی سہولیات کو دستیاب رکھا جائے گا۔
مزید پڑھیں: ترال: لالہ گام میں ریچھ کی موجودگی سے عوام پریشان
اس موقع پر ایڈیشنل ڈپٹی کمشنر ترال شبیر احمد رینا نے میڈیا کو بتایا کہ دور افتادہ علاقے میں ہیلتھ سینٹر کے قیام سے عوام کو بڑی راحت ملے گی اور انتظامیہ لوگوں کے لیے تمام تر وسائل کو بروئے کار لارہی ہے۔
انہوں نے مزید بتایا کہ ہیلتھ سینٹر کی بہت جلد دیوار بندی کا کام بھی شروع کیا جائے گا۔
مزید پڑھیں: غیر سرکاری تنظیم نے پلوامہ ضلع انتظامیہ کو ایمبولینس عطیہ کیا
افتتاحی رسم ڈی ڈی سی ممبر آری پل منظور احمد گنائی نے انجام دی جب کہ اس موقع پر ایڈیشنل ڈپٹی کمشنر ترال شبیر احمد رینا، بی ایم او بشیر احمد ملک، آر اینڈ بی کے اسسٹنٹ ایگزیکٹیو انجینیئر اشتیاق حسین اور مقامی لوگوں کی ایک بڑی تعداد موجود تھی۔
