تفصیلات کے مطابق ضلع پلوامہ کے لیتر بل پانپور میں ایل پی جی گیس کی غیر قانونی تجارت کے بارے میں اطلاع ملنے کے بعد پانپور پولیس نےاس جگہ پر چھاپہ مارا جہاں کچھ ڈراٸیور ایل پی جی ٹینکروں سے گیس نکال کر گیس سلینڈروں میں بھرتے تھے اور اسے غیر قانونی طور فروخت کیا کرتے تھے۔
یہ بھی پڑھیں: سرکاری اراضی اور جنگلات پر ناجائز قبضہ کرنے پر رپورٹ طلب
پکڑے گئے گیس ٹینکروں کے ڈرائیوروں کو بھی گرفتار کرلیا گیا ہے جن کی شناخت وجئے سنگھ ساکنہ کٹھوعہ، نصیر احمد، محمد رمضان بھٹ، محمد رفیق شیخ، چیمیل چملاور پریم سنگھ کے طور پر کی گٸ ہے یہ تمام ڈرائیورز ضلع راجوری کے رہائشی بتائے جا رہے ہیں۔ اس کے علاوہ ایک ٹاٹا موبائل والا رجسٹریشن نمبر JK02AG-0388 جس کا نام اشفاق احمد ڈار ساکنہ لیتہ پورہ چلایا رہا تھا، کو بھی گرفتار کر لیا گیا ہے۔
گرفتار افراد کے خلاف پولیس سٹیشن پانپور میں ایف آئی آر نمبر 80/2020 کے تحت مقدمہ درج کیا گیا ہے اور مزید تفتیش جاری ہے۔
