پانپور کے پانچ پنچایت حلقوں میں تھریشر مشینیں تقسیم

بی ڈی سی چیرمین نے کہا کہ یہ مشینیں پنچایت حلقوں کے ذمہ داروں میں تقسیم کیں، تاکہ پنچایت حلقوں میں ان مشینوں سے کسانوں کو دھان کی گہائی کرنے میں مدد ملے اور کسانوں کا وقت ضائع نہ ہو جائے۔

محکمہ زراعت کی جانب سے آج قصبہ پانپور کے پانچ پنچایت حلقوں کے ذمہ داران میں تھریشر مشینیں تقسیم کی گئی۔ یہ تھرشر مشینیں بی ڈی سی چیرمین پانپور محمد الطاف میر کی سربراہی میں تقسیم کئی گئیں۔ اس موقع پر ایگریکلچر افسر پانپور کے علاوہ محکمہ زراعت کے دیگر اہلکار بھی موجود رہے۔

بی ڈی سی چیرمین نے کہا کہ یہ مشینیں پنچایت حلقوں کے ذمہ داروں میں تقسیم کیں، تاکہ پنچایت حلقوں میں ان مشینوں سے کسانوں کو دھان کی گہائی کرنے میں مدد ملے اور کسانوں کا وقت ضائع نہ ہو جائے۔

انہوں نے مزید کہا کہ کوروناوائرس جیسی مہلک بیماری میں زیادہ لوگوں کو اکٹھا کرنے سے بھی کوروناوائرس پھیلنے کا خطرہ لاحق ہو سکتا ہے اس لئے یہ مشین کافی زیادہ فاٸیدہ مند ہے۔ کیونکہ یہ مشین استعمال کرنے کے بعد ہمیں مزدوروں کی بھیڑ جمع نہیں کرنی پڑتی، بلکہ صرف دو افراد کام کر سکتے ہیں جس سے سماجی دوری بھی رہے گی اور کوروناوائرس کو پھیلنے سے بھی روکا جا سکتا ہے۔ایگریکلچر آفسر پانپور نے اس سلسلے میں کہا کہ ان مشینوں کے تقسیم کرنے کا مقصد کسانوں کی آمدنی میں اضافہ کرنا ہے۔ تاکہ کسانوں کو خوشحال بنایا جا سکے۔