جنوبی کشمیر کے ضلع پلوامہ کے سب جیل میں ایک غیر مقامی قیدی، جو منشیات کے معاملے میں گرفتار ہوا تھا پلوامہ ہسپتال میں دم توڑ گیا۔
سرکاری ذرائع نے بتایا سب جیل پلوامہ میں ایک ملزم بے ہوش پایا گیا۔ اسے ڈسٹرکٹ ہسپتال پلوامہ منتقل کردیا گیا جہاں ڈاکٹروں نے اسے مردہ قرار دے دیا۔
مقتول کی شناخت ہرپندر سنگھ ولد ہربھجن سنگھ ساکنہ جوآڈی گرداسپور کے بطور پر ہوئی ہے۔ پولیس نے اسے منشیات کے ایک مقدمہ میں ایک ماہ قبل گرفتار کیا تھا اور اسے این ڈی پی ایس ایکٹ کے تحت سب جیل پلوامہ میں بند کیاگیا تھا۔
اطلاعات کے مطابق تمام قانونی کارروائیوں کرنے کے بعد نعش کو کنبہ کے حوالے کردیا گیا۔
