ڈی ڈی سی انتخابات کے پانچویں مرحلے کے بیچ اونتی پورہ پولیس نے دعویٰ کیا ہے کہ 'انہوں نے جیش محمد نامی عسکری تنظیم سے وابستہ ایک عسکریت معاون کو ترال سے گرفتار کر لیا ہے۔'
تفصیلات کے مطابق پولیس نے ارشاد احمد ریشی ساکن ترال کو گرفتار کر کے اس کے قبضے سے دس ڈیٹونیٹرز، ایک وائرلیس سیٹ، وائرلیس اینٹینا، ای ای ڈی ریموٹ اور کینبیز پوڈر پانچ کلو برآمد کیے ہیں۔
پولیس کے مطابق یہ عسکری معاون علاقے میں عسکریت پسندوں کو پناہ دینے اور ایک جگہ سے دوسری جگہ منتقل کرنے میں ملوث تھا۔ پولیس بیان کے مطابق مزکورہ معاون کے خلاف باضابطہ ایف آئی آر درج کر کے تحقیقات شروع کر دی ہے۔
