جموں و کشمیر کے ضلع پلوامہ کے شہر اونتی پورہ میں واقع اسلامک یونیورسٹی آف سائنس اینڈ ٹیکنالوجی اونتی پورہ میں ایک تقریب منعقد کی گئی جس کا اہتمام پبلک ریلیشن سینٹر شعبے کی جانب سے کیا گیا تھا۔ جس میں یونیورسٹی کی خواتین اسٹاف ممبران کے مسائل کو سننے کے لیے یونیورسٹی کے وائس چانسلر پروفیسر شکیل احمد موجود رہے۔
اس تقریب کو منعقد کرنے کا مقصد روزمرہ کے دنوں میں یونیورسٹی میں خواتین اسٹاف کو پیش آنے والی پریشانیوں کو سننا اور ان کا حل تلاش کرنا تھا۔ اس موقع پر خواتین نے زچگی کی چھٹیوں جیسے مسائل کو وائس چانسلر کے سامنے رکھا۔ وائس چانسلر نے ان کے مسائل غور سے سنا اور ان کے مسائل پر غور کرنے کی یقین دہانی کرائی۔
مزید پڑھیں:پلوامہ: سڑکوں کی تعمیر میں ناقص اشیاء کے استعمال سے عوام پریشان
میڈیا سے بات کرتے ہوئے پروفیسر ڈاکٹر انیسہ جان نے بتایا کہ آج کی تقریب کے دوران خواتین فیکلٹی کے مسائل پر بات چیت کی گئی۔ انہیں خوشی ہوئی ہے کہ وائس چانسلر نے ان کے مسائل کو سنا اور اب انہیں یقین ہے کہ خواتین فیکلٹی کے مسائل اب ضرور حل ہوں گے۔
