پلوامہ (جموں و کشمیر) : دریاے جہلم سے معدنیات کو غیر قانونی طور نکالنے اور اس کی نقل و حمل میں ملوث افراد کے خلاف سخت کارروائی عمل میں لاتے ہوئے جنوبی کشمیر کے پلوامہ ضلع میں اونتی پورہ پولیس نے چار افراد کو گرفتار کر لیا۔ معدنیات کی نقل و حمل کے لیے استعمال میں لائی جا رہی چار گاڑیوں کو بھی اونتی پورہ پولیس نے ضبط کر لیا۔
رپورٹس کے مطابق اونتی پورہ میں گھاٹ ٹوکنہ میں پولیس چوکی ریشی پورہ کی پولیس پارٹی نے دریائے جہلم سے غیر قانونی ریت نکالنے میں استعمال میں لائی جا رہی چار گاڑیاں، جن میں دو ڈمپر، ایک ٹپر اور ایک ٹریکٹر شامل ہے، ضبط کر ہیں۔ اونتی پورہ پولیس نے چار ڈرائیوروں کو بھی گرفتار کر لیا ہے۔ اونتی پورہ پولیس نے اس ضمن میں ایک ایف آئی آر 45/2023 اور 46/2023 قانون کی متعلقہ دفعات کے تحت اونتی پورہ پولیس اسٹیشن میں درج کر کے مزید تفتیش شروع کر دی ہے۔
جموں و کشمیر پولیس نے انتباہ کرتے ہوئے کہا ہے کہ ’’کان کنی کی غیر قانونی سرگرمیوں میں ملوث پائے جانے والے افراد کے خلاف قانون کے مطابق کارروائی انجام دی جائے گی۔‘‘ پولیس نے غیر قانونی طور کان کنی کرنے والے افراد کو فوری طور ان حرکات سے باز رہنے کی تلقین کی ہے۔ واضح رہے کہ جموں و کشمیر میں بغیر اجازت نامہ کے معدنیات بشمول ریت، باجری اور مٹی کی کان کنی پر مکمل پابندی عائد ہے اور حکومت نے اس کے لیے باضابطہ طور ایک کنٹریکٹ نظام مرتب کیا ہے تاہم پابندی کے باوجود غیر قانونی طور کان کنی انجام دی جا رہے ہے۔
مزید پڑھیں: Illegal Mining Continues in Kashmir: غیر قانونی کان کنی پر فوری روک لگائے جانے کا مطالبہ
