جنوبی کشمیر کے پنجگام اونتی پورہ میں بارودی سرنگ برآمد کرنے کے بعد ترال علاقے میں بھی پولیس اور فوج نے ایک بارودی سرنگ برآمد کرنے کا دعویٰ کیا ہے۔
تفصیلات کے مطابق سیموہ ترال میں فوج اور پولیس نے ایک مصدقہ اطلاع کے بعد واتل آڈا کے مقام پر ایک وزنی باوردی سرنگ کا پتہ لگایا جسکے بعد بم ڈسپوزل اسکواڈ کو بلایا گیا جنہوں نے اس کو تباہ کیا۔
سیکورٹی ایجنسیوں اسے ایک بڑی کامیابی قرار دیا ہے۔
ایس ڈی پی او ترال ڈاکٹر اعجاز ملک نے خبر کی تصدیق کرتے ہوئے ای ٹی وی بھارت کو بتایا کہ اونتی پورہ کے بعد سیموہ میں بارودی مواد کو تباہ کرنا ایک بڑی کامیابی ہے۔
