جنوبی ضلع پلوامہ کے چیواکلان علاقے سے تعلق رکھنے والے حریت کارکن کورونا وائرس وبا سے متاثر ہونے کے بعد آج سرینگر کے اسپتال میں انتقال کرگئے۔
پلوامہ کے چیواکلان علاقے سے تعلق رکھنے والے حریت کارکن محمد ایوب خان چند روز قبل کورونا وائرس سے متاثر ہوئے تھے اور انہیں سرینگر کے سی ڈی اسپتال میں داخل کیا گیا تھا۔
آج چند روز بعد وہ وبا سے جانبر نہ ہو سکے اور انتقال کرگئے۔ اگرچہ بعد ازاں ان کا کووڈ ٹیسٹ منفی آیا لیکن نمونیا کی وجہ سے وہ انتقال کرگئے۔
واضح رہے کہ محمد ایوب گزشتہ پندرہ برس سے تحریک حریت کے ساتھ منسلک تھے اور مرحوم محمد اشرف خان صحرائی اس کے دو برس تک سربراہ تھے۔
