جنوبی کشمیر کے اونتی پورہ علاقے میں پولیس نے دعویٰ کیا ہے کہ اس نے فوج کے ہمراہ ایک مشترکہ کاروائی میں ممنوعہ تنظیم جیش محمد کی ایک کمین گاہ سے اسلحہ اور گولہ بارود کی ایک بڑی مقدار ضبط کی ہے۔
تفصیلات کے مطابق فوج کی 42آرآر، 130بٹالین سی آر پی ایف نے گھاڈی کھل اونتی پورہ میں ایک نرسری میں آج سویرے سرچ آپریشن شروع کردیا جہاں سے انکو بھاری مقدار میں گولہ بارود برآمد ہوا۔
اطلاعات کے مطابق گولہ بارود جس میں 416 اتشی ہتھیار (explosive sticks) اور پچاس ڈیٹونیٹر شامل ہیں کو دو ٹینکیوں میں چھپایا گیا تھا۔ ڈیٹونیٹرس کو بعد ازاں بم ڈسپوزل اسکارڈ نے ناکارہ بنا دیا۔
فوج نے اس گولہ بارود کو برآمد کر کے اسے ایک بڑی کامیابی قرار دیتے ہوئے کہا ہے اس کو عسکریت پسند کاروائیوں میں استعمال کر سکتے تھے۔
اس سلسلے میں اونتی پورہ پولیس اسٹیشن میں ایک ایف آئی آر درج کر کے تحقیقات شروع کردی گئی ہے۔
