ترال میں عسکریت پسندوں کی پناہ گاہ تباہ

جنوبی قصبہ ترال میں پولیس نے عسکریت پسندوں کی پناہ گاہ کو تباہ کرنے کا دعویٰ کیا ہے۔

تفصیلات کے مطابق جنوبی کشمیر کے سب ضلع ترال میں فوج اور پولیس نے مشترکہ طور پر عسکریت پسندوں کی پناہ گاہ کو تباہ کر دیا ہے۔

ذرائع نے بتایا کہ فوج کی بیالیس آر آر، سی آر پی ایف کی ایک سو تیس بٹالین اور جموں و کشمیر پولیس نے مشترکہ طور پر مصدقہ اطلاعات کے بعد ژنہ پاڈن ماچھامہ میں ممنوعہ تنظیم جیش محمد کی ایک کمین گاہ کو تباہ کیا ہے۔ کمین گاہ سے کچھ مٹیریل بھی برآمد ہوا ہے۔

اس ضمن میں پولیس اسٹیشن میں باضابطہ ایف آئی آر درج کی گئی ہے۔