لیفٹنٹ گورنر کے مشیر کے کے شرما نے آج ضلع پلوامہ کے پانپور کا دورہ کیا، جہاں انہوں نے ای ڈی آئی کی طرف سے چلاٸی جا رہی تجارتی سرگرمیوں کا جائزہ لیا۔ انہوں نے کہا کہ اس مشکل دور میں جب وبائی بیماری نے پورے عالم کو اپنی زد میں لے رکھا ہے اس دورآن بہت ساری مشکلات کا سامنا درپیش ہو سکتا ہے تاہم ہمیں ان مشکلات کا ڈٹ کر مقابلہ کرکے وادی کی معاشی و تجارتی سرگرمیوں کو برقرار رکھنا ہوگا۔
مشیر نے کہا کہ خاص طور پر اس صورتحال سے پیدا ہونے والے نئے چیلنجوں کے پیش نظر جے کے ای ڈی آئی جیسے انسٹی ٹیوٹ کا کردار بہت اہم ہے جس سے بڑے پیمانے پر ہماری معاشیت جڑی ہوئی ہے۔
یہ بھی پڑھیں: دلدوز سڑک حادثے میں دو لڑکیاں ہلاک
اس دورآن مشیر نے پانپور میں واقع برک اور ٹائل فیکٹری کے مقام کا بھی دورہ کیا اور افسران کو ہدایت دی کہ وہ اس جگہ پر صنعتی اسٹیٹ قائم کرنے کے امکانات تلاش کریں تاکہ روزگار کے زیادہ سے زیادہ مواقعے پیدا کیے جا سکیں۔
اس موقع پر ان کے ہمراہ ڈائریکٹر جےکے ڈی، جی ایم ڈار ، ڈائریکٹر انڈسٹریز اینڈ کامرس، کشمیر، محمود شاہ اور انتظامیہ کے دیگر اعلی افسران، جموں و کشمیر انڈسٹریز لمیٹڈ اور جے کے ای ڈی آئی کے فیکلٹی ممبران موجود تھے۔
