جموں و کشمیر میں جنوبی ضلع پلوامہ کے ترال کے مختلف دیہات میں کاہچرائی اراضی کو واپس سرکاری دائرے میں لانے کے لیے انتظامیہ نے اقدامات کرنے کا فیصلہ کیا ہے اور اس سلسلے میں آج ڈاڈسرہ (ترال) نامی گاؤں میں موجود کاہچرائی کو سرکاری استعمال میں لانے کے لیے ایڈشنل ڈپٹی کمشنر ترال شبیر احمد رینہ نے گاؤں کا دورہ کر کے صورتحال کا جائزہ لیا۔
انہوں نے زمین کی نشاندہی کے لیے محکمہ مال اور دیگر متعلقہ حکام کو آخری ڈیڈ لائن (ہدف) کے لئے ان زمینداروں کو نوٹس جاری کرنے کے احکامات دئے جنہوں نے کاہچرائی پر قبضہ کیا ہے۔
ای ٹی وی بھارت کے ساتھ بات کرتے ہوئے ایڈشنل ڈپٹی کمشنر ترال شبیر احمد رینہ نے بتایا کہ ڈاڈسرہ میں کاہچرائی اراضی کی ایک بڑی مقدار موجود ہے جسکو بلاک آفس اور دیگر آفس بنانے کے علاوہ اس پر کھیل گاہ بھی تعمیر کیا جائے گا۔
انہوں نے کہا ترال سب ضلع میں کاہچرائی اراضی پر قبضہ کرنے کی ہرگز اجازت نہیں دی جائے گی۔
