جنوبی کشمیر کے سامبورہ پانپور میں آگ کی ہولناک واردات میں چار دکانیں خاکستر اور لاکھوں روپے مالیت کا سامان راکھ کے ڈھیر میں تبدیل ہو گیا۔دورآن شب سامبورہ پانپور میں ایک شاپنگ کمپلکس میں آگ کی ہولناک واردات پیش آئی جس کے نتیجے میں کمپلکس کی چار دکانیں مکمل طور خاکستر ہوئیں۔ آگ کی اس ہولناک واردات میں لاکھوں روپے مالیت کا سامان راکھ کی ڈھیر میں تبدیل ہو گیا ہے۔
عینی شاھدین کے مطابق دورآن شب تقریباً تین بجے کے قریب سامبورہ میں واقع ایک منی شاپنگ کمپلکس میں آگ نمدار ہوئی جس نے دیکھتے ہی دیکھتے پورے کمپلکس کو اپنی لپیٹ میں لے لیا۔ اگر چہ فائر سروس کے جوانوں اور مقامی لوگوں نے آگ کو مزید پھیلنے سے روک لیا تاہم تب تک چار دکانیں مکمل طور خاکستر ہو چکی تھی جس سے لاکھوں کی املاک راکھ کے ڈھیر میں تبدیل ہو گٸ ہے۔
فی الحال آگ لگنے کی اصل وجہ پتہ نہیں چل سکی ہے۔
