کورونا وائرس سے متاثر افراد کی امداد کے لئے رضاکار تنظیم امرت چیرٹیبل ٹرسٹ نے آج پلوامہ کے ترال میں واقع مختلف دیہات میں راشن کٹس، ماسک اور سینٹائیزر تقسیم کیے۔ ٹرسٹ کے زیر اہتمام یہ مہم ترال کے سیموہ، ہفو نگین پورہ، کویل اور چھترگام علاقوں میں جاری رہی، جس کے دوران مستحق افراد میں راشن کٹس تقسیم کیے گئے۔
رضاکار تنظیم کی جانب سے راشن کٹس تقسیم
میڈیا سے گفتگو کرتے ہوئے ٹرسٹ کے چیئرمین ڈاکٹر ہر بخش سنگھ نے بتایا کہ 'لاک ڈاؤن کے چلتے غرباء کو بہت سارے مشکلات کا سامنا کرنا پڑ رہا ہے اور اس لیے ایک کوشش کے تحت یہ مشن شروع کیا گیا ہے'۔ انھوں نے کہا کہ 'مسلسل لاک ڈاؤن کے چلتے غرباء لوگ مشکلات میں مبتلا ہو گئے ہیں، لہذا ہم سب کو متاثرین کی بحالی کے لئے آگے چاہیے'۔
