کملا جنگلات میں آتشزدگی

جنوبی کشمیر کے ضلع پلوامہ کے ترال علاقے میں واقع کملا جنگلات میں آگ لگ جانے سے سبز سونے کو بڑے پیمانے پر نقصان پہنچا ہے۔

متعلقہ حکام نے دعوی کیا ہے کہ آگ کو بجھانے کے لئے ہنگامی اقدامات کئے جا رہے ہیں۔

تفصیلات کے مطابق کملا جنگلات کے اوپری حصے میں آگ لگ گئی جس نے دیکھتے ہی دیکھتے ایک وسیع علاقے کو اپنی زد میں لیا ہے، جس دوران سبز سونے کو بڑے پیمانے پر نقصان پہنچنے کا خدشہ ظاہر کیا جا رہا ہے۔

ڈی ایف او پلوامہ منظور احمد نے ای ٹی وی بھارت کو فون پر بتایا کہ آگ کو بجھانے کے لئے ہنگامی اقدامات کئے جا رہے ہیں اور ملازمین کی ایک ٹیم کو علاقے میں روانہ کیا گیا ہے۔