ڈائریکٹر ایگریکلچر چودھری محمد اقبال نے آج جواٸنٹ ڈائریکٹر محمد مظفر حُرہ کے ہمراہ انٹرنیشنل ٹریڑ سپاٸس پارک دُسو پانپور کا دورہ کیا۔ جہاں انہوں نے زعفران اُگانے والے زمینداروں کو دی جانے والی سہولیات کا جاٸزہ لیا۔ ڈائریکٹر موصوف نے ای آکشن سنٹر اور پراسیسنگ یونٹ کا بھی جاٸزہ لیا۔
انہوں نے اپنے ہمراہ افسروں سے کہا کہ وہ اس انٹرنیشنل سپاٸس پارک میں زعفران اُگانے والے زمینداروں کو ہر طرح کی سہولیات بہم پہنچانے میں اپنا کلیدی رول ادا کریں تاکہ زعفرآن اُگانے والے کسانوں کی آمدنی میں اضافہ ہو سکے اور زعفران کی صنعت کو فروغ مل سکے۔
ڈائریکٹر موصوف نے اپنے دورے کے دوران کسانوں کے ساتھ ایک میٹنگ بھی منعقد کی جس میں محکمہ ایگریکلچر کے افسروں کے علاوہ کسانوں کی ایک اچھی تعداد نے شرکت کی۔
اس میٹنگ میں زعفرآن کی صنعت کو مزید مستحکم بنانے کے غرض سے کسانوں کے ساتھ تبادلہ خیال کیا گیا۔
میٹنگ کے دورآن کسانوں نے اپنے مشکلات اور مطالبات کو ڈرٸیکٹر موصوف کے سامنے رکھا جس پر انہوں نے کسانوں کو یقین دلایا کہ وہ ان کے مطالبات کو پورا کرنے کی بھرپور کوشش کرینگے۔
ڈائریکٹر موصوف نے کہا کہ انہوں نے حال ہی میں ڈرٸیکٹر ایگریکلچر کا عہدہ سنبھالا ہے اور اسی لۓ انہوں نے یہ دورہ کیا ہے تاکہ وہ اس سپاٸس پارک میں زعفرآن اُگانے والے زمینداروں کو دی جانے والی سہولیات کا جاٸزہ لے سکے۔
انہوں نے مزید کہا کہ اس دورے کا مقصد زمینداروں سے یہ جاننا بھی تھا کہ وہ کس حد تک اس سپاٸس پارک سے فاٸدہ حاصل کر پاتے ہیں۔
